[حبيبي أخلّيك ]..~‎

لما تقولي لي(حبيبـي أخليـك)
وتستأذني مني لقطـع إتصالـك
ماتقفليـن إلاّ وقلبـي يناديـك
تكفين خلينـي بفكـرك وبالـك
أحس بك وأتخيلك دوم ووْحيك
وأشعر بنبضات الخفوق بشمالك
وآذوب بعذوبة ورقِـة معانيـك
وآقول سمي جيت كلي حلالـك
قولي أحبك واحيي عْروق مغليك
اللي فؤاده بالمحبه صفـا لـك
أكذب عليك ان قلت لك ميّتٍ فيك
أصلي من أول في محبتك هالك
شاعر وهايم ياحياتـي بواديـك
أعشقك واتفياء الغلا في ظلالك
واشتاق لك حتى ونا بين أياديك
واشعر بنشوه عارمه في وصالك
لا لاتخليني عسـى الله يخليـك
تحلا لي ايام العمر من خلالـك
ماتشبهك هذي ولاتشبهك ذيـك
وحدك سكنتي في خفوقي لحالك
ابيع كل الناس ياورد واشريـك
واستمتع بشوفك وفتنة جمالـك

» حبيبي كل مافيني يذوب بهمساتك‎